Smá...

Ítölsk matargerð hefur löngum þótt heillandi og ekki af ástæðulausu, því að fáar þjóðir leggja meira upp úr ferskleika og einfaldleika eins og Ítalir. Grunnreglan er sú að náttúrulegt bragð á að njóta sín, lamb á að bragðast eins og lamb en ekki að vera drekkt í einhverju kryddi sem stelur öllu upphaflega bragðinu. Máltíð á íÍtölsku heimili er meira en bara stund þar sem fóðrinu er kýlt í sig og hlaupið út, heldur er þetta samverustund allrar fjölskyldunnar þar sem fólk nýtur þess að borða góðan mat og ræða saman. Á íÍtölskum veitingahúsum er matseðillinn gjarnan settur upp á annan hátt en gengur og gerist á öðrum veitingahúsum. Fyrst kemur Antipasti, sem er úrval forrétta sem gjarnan eru blandaðir saman. Í Antipasti er t.d. Parmaskinka, grillað niðurlagt grænmeti eins og paprika, eggaldin, kúrbítur og laukar. Sýrður fiskur, parmesan ostur, kryddlegnir sveppir, túnfiskur, þurrkaðir tómatar að ógleymdu ítalska brauðinu og góðri ólífuolíu til að dýfa í. Þá kemur “Primi” sem inniheldur pastarétti ásamt Risotto, súpum og fleiri réttum, áður en kemur að aðalréttunum þar sem kálfur og fuglakjöt er áberandi. Matreiðslan er mjög einföld og blandar ekki saman mörgum brögðum af mismunandi hráefnum, sósur eru einfaldar og yfirleitt bara soðið af viðkomandi hráefni, meðlætið er oftast 1-2 tegundir af grænmeti. Ítalir eiga mikið af staðbundnum réttum sem einkennast af því hráefni sem er veitt eða ræktað á viðkomandi stað og oft er hægt að segja til um hvaðan rétturinn er með því einu að líta á hvað rétturinn inniheldur. Talsverður munur er á mat frá suður og norðurhluta landsins þar sem norðanmenn laga talsvert þyngri mat heldur en t.d. Sikileyjabúar sem eru þekktir fyrir mjög létta matreiðslu.

Fróðleikur....

Enginn þarf á öllum þeim fjölda hnífa að halda sem ein framleiðslulína stendur saman af.

Tökum sem dæmi kokkahnífinn, þann hníf sem mikilvægastur er, ólíklegt er að þú þurfir að nota þrjár mismunandi stærðir. Hvaða stærð hentar þér best veit hins vegar enginn nema þú. Best er að taka sér hnífinn í hönd, vagga honum yfir trébretti eins og þegar laukur er saxaður og finna hvernig hann liggur í hendi.

Stórir hnífar hafa þann kost að gott er að stýra þeim og þeir henta betur til þess að saxa og hakka. Litlir hnífar eru léttari og geta verið þægilegri í meðförum. Það er hins vegar ekki til nein algild regla hvaða stærð hentar hverjum og einum og oftast hefur sú regla gefist best að láta tilfinninguna ráða.

Hver kokkur, hvort sem hann er leikmaður eða atvinnumaður, velur sér sitt hnífasett samkvæmt eigin þörfum og geta þau verið samsett á marga mismunandi vegu. Segja má að 5 hnífar séu hverjum kokki nauðsynlegir.
Kokkahnífur, sveigjanlegur úrbeiningar- eða flökunarhnífur, kjöthnífur, grænmetis- eða spekkhnífur og brauðhnífur. Við þennan grunn getur síðan hver bætt því sem honum hentar. Hvort þú bætir laxahníf, skreytingahníf eða kokkahníf í annari stærð við fer eftir því hversu oft þú þarft að nota slíka hnífa.

Ekki eru til neinar algildar reglur um hvernig hníf er best að nota við hvaða tækifæri. Hvort þú hreinsar bein og sinar af kjötstykki með kokkahníf, flökunarhníf eða úrbeiningarhníf er einfaldlega hvers og eins að ákveða. Auðvitað er best að nota hvern hníf í þeim tilgangi sem honum er ætlaður, laxahnífinn til að sneiða lax og úrbeiningar-hnífinn til að úrbeina, en hver verður auðvitað að gera það sem honum finnst þægilegast. Hins vegar ætti aldrei að skera kjöt eða grænmeti með tenntum hníf. Tennurnar rífa í það sem skorið er, skaða fasa kjöts og grænmetis og geta þar með haft áhrif á bragðið.

Tveir einir heima...

Þegar báðir foreldrar eru í skóla og vilja ekki setja litla stubbinn sinn til dagmömmu strax þá er það óhjákvæmilegt að feðgar verði tveir einir heima saman. Stundum er það gaman, en stundum er það ekki alltaf hressandi fyrir litla óþolinmóða herramenn. Í dag er gaman, Disney Playhouse í sjónvarpinu, epladjús í stútkönnunni og góð bók í farteskinu hvert sem maður fer. Pabbinn aftur á móti situr fastu við tölvugarminn og pikkar inn á bloggið að kröfu þeirra sem lesa það, ekki gengur að skrifa bara einusinni á þriggja mánaða fresti.

Snjórinn úti hann heillar ef að maður vissi hvað þetta var. Ekki alveg nóg til að fara út og smakka og búa til snjókall en það er alveg nóg til þess að verða smá kalt, blotna og verða skítugur. Pabbinn íhugar hvort að þetta sé óskastaðan í málinu.

Ein kúkableija búinn, líklegast tvær eftir í dag, jafnvel fyrir hádegi. Það er allavegana ósk mömmunnar.

Vinna um helgina ásamt 35 ára afmæli á laugardaginn, það verður hressandi, kalt, en hressandi. Ég á líka svo skínandi flottann nýjan GULAN hjálm svo að allir sem vinna með mér geti gert grín og spurt hvar hinn GULI hjálmurinn minn sé. Þeir vita svosem vel að ég kveikti í honum þegar ég var að brenna manganplötu fyrir litla sandblásarann (nei hann var ekki á hausnum á mér, en hann brann samt). Já svona er að vinna hjá KTT verktökum í Lindö, alltaf gaman að gera grín.

VÁ BLOGG....

Þetta er eflaust hvað sumir eru að hugsa núna, þ.e. af einhver kíkir á þessa síðu ennþá. Gefum okkur að það sé einhver sem ennþá er trúfastur og vill að eitthvað gerist á þessari blog síðu og þess vegna ætla ég að skrifa hérna nokkrar línur.

Þá þarf ég bara að finna eitthvað til þess að skrfa um!!!!

Hmmmmm.....

Átti afmæli um daginn. Dagurinn var fullkominn. Ég gerði nákvæmlega það sem mér finnst skemmtilegast, ELDAÐI og BAKAÐI. En það fylgir því náttúrulega uppvask og þar sem að Viktor vildi bara vera hjá Mömmu sinni þá þurfti ég að sinna því líka. Ég eldaði lambafile með kartöflu sátum og brunois grænmeti (rótargrænmeti í teningum). Gómsætt, tekið upp úr Matreiðslubók Íslenzka Lýðveldisins. Bakaði svo litla súkkulaði köku, bient úr kassanum og vöfflur eftir Ömmu uppskrift (klikka aldrei). Bauð Jóa og Rögnu í síðdegiskaffi og svo Röskurum síðar. Alltaf gaman að vera í góðra vina félagsskap.

Ætti að vera að læra núna, er að byrja að lesa The Great Gatsby eftir F. Scott Fitzgerald og svo þarf ég að lesa To The Lighthouse eftir kerlingaherfina Virginia Wollf. Semsé nóg að gera hjá Ágústi í lestir, svo er það spurning um hvenar eða hvort hann einhverntímann byrjar á þessu öllu saman. Svo er það að finna eitthvað til að skrifa um í BA verkefninu mínu sem ég þarf að skila þann 1. september. Þarf að vera búinn að finna efni og skila inn drög að heimildarskrá fyrir 1. mars n.k. Er allavegana búinn að ákveða það að skrifa eitthvað með þýðingar, eflaust eitthvað með það að gera hvað það er erfitt fyrir greyi Danana að þýða eitthvað yfir á ensku...

Er þetta ekki nóg í bili....meira síðar CIAO

Svona er að búa á Elmelundsvej í dag...nú fer ég að koma mér héðan!!

Þetta gerðist nú allt á bílastæðinu hér hjá okkur og við fylgdumst með...

16-årige forsøgte gaderøveri mod par

Tre 16-årige drenge er nu sigtet for forsøg på gaderøveri mod et par på Elmelundsvej i Bolbro i Odense.Lørdag aften omkring klokken 21.45 var parret på vej hjem til fods. Foran dem gik tre store drenge, som bevidst satte farten ned og lod sig indhente af parret.Idet parret passerede de tre drenge greb en eller flere af dem ud efter manden og forlangte hans penge.Manden fik slået sig fri og parret flygtede fra stedet med gerningsmændene efter sig. Parret råbte på hjælp og det fik gerningsmændene til at flygte.Da parret var nået hjem kontaktede de politiet og en hundepatrulje var kort efter på stedet. Under patruljering i området blev gerningsmændene fundet i en bil på en parkeringsplads. De blev anholdt og er nu sigtet for forsøg på røveri.

Nýr sími...nýtt blogg

Já, hann Viktor Daði komst í símann minn og einfaldlega drekkti honum í munnvatni....fór í dag og keypti mér SonyEriksson K610i sem gerir mér kleift að senda myndir beint úr honum á bloggsíðu, en þar sem ég er farinn að nota svokallað Blogger Beta blogg þá er þessi fídus ekki kominn inn...þannig að ég bjó til nýtt blogg sem heitir www.agust-mobile.blogspot.com og þar koma myndirnar mínar til með að birtast. Það er líka hlekkur hér til hliðar undir myndablogg

Þetta var svona það helsta í fréttum núna...

Þangað til næst.....adios

Síðan seinast...

Þá hefur nú ekki mikið gerst.

Er búinn að vera í haustfríi undanfarna viku og hef notið þess að vera með fjölskyldunni og svona. Þurfti reyndar að læra svolítið en það er ekkert alvarlegt.

Ég tók mér frí frá fótbolta, eins og allir reyndar, og sleppti leik seinustu helgi vegna þess að ég var að vinna hjá KTT í Lindö sem að er ein af stærri skipasmíðastöðvum í evrópu og eru þeir í þessum töluðu orðum að smíða þriðja af fimm (held ég) super cargo skipum sem að eru með 10000 hestafla mótor og tekur 11000 gámaeiningar. Skipið á myndinni er Estelle Maersk og er nýjasta skipið. Það er svolítið gaman að sjá hvernig svona skip er smíðað. Það er gert í mörgum hlutum og svo koma lestalúgur og stýrishús tilbúið frá Eistlandi og Letlandi...og veskú eitt stykki skip.

Mér finnst þetta fín vinna, gefur vel í vasann en er frekar skítug en eins og ég segi þá er þetta fínt, fínir vinnufélagar og fínir vinnutímar (07-15.30).

Af okkur er svosem ekki mikið að frétta annað, Viktor Daði er alltaf að verða betri og betri í því að standa upp og svona, og rétt áðann þá prufuðum við að gefa honum smá vatn í glas með röri og það tók hann innan við 5 mín að átta sig á hvað þurfti að gera og hann gerði sér lítið fyrir og kláraði úr glasinu á nó tæm. Ég gæti ekki verið stoltari af stráknum mínum.

Við höfum ekkert farið í kolonigarðinn okkar í haustfríinu eins og til stóð en ég kíki í vikunni og reyni að koma upp hliðinu sem að ég er alltaf á leiðinni að smíða. Við erum svo alltaf að pæla í þvi hvernig við viljum haga garðinum, hvað á að verða blómabeð og hvar á húsið að vera og hvernig hús eigum við að setja í garðinn og svona...alltaf nóg að pæla. Ég væri frekar sáttur ef að einhver gæti bent mér á einn stórann gagnagrunn um hvernig á að vinna í garði og svona, hvernig á að búa til kartöflugarða og svona....

Á meðan ég man, ég er farinn að notast við BLOGGER BETA og þá kemur hann eitthvað asnalega út í Internet Explorer en bloggið virðist vera flott í Firefox.

Þið dánlódið þessu bara og skoðið bloggið í því...ég var að vonast eftir að nýjasta útgáfan af Explorer (7.0) myndi laga þetta vandamál en svo er nú víst ekki.....þið reddið þessu ef að þið viljið endilega skoða bloggið.

Þetta verða lokaorðin að sinni, þangað til næst....over and out.

Rigning........og meira

Já það er ekki laust við það að það hafi ringt svolítið undanfarna daga hjá okkur í Danmörkinni. Það er hollt fyrir tréð sem að ég þarf að flytja í Kolonigarðinum okkar, en ekki svo gott fyrir mig ef að ég á að vera duglegur við að hjóla í skólann....maður hreinlega bara nennir ekki að koma rennnandi blautur og svo líka sveittur í þokkabót í skólann og sitja kanski í blautum fötum í heilann dag er ekki beint uppáhald hjá mér.

Fór annars að spila fótbolta í gær með Ísafold. Gekk fínt að minni hálfu allavegana (að mér finnst), að sjálfsögðu ringdi það mikið að völlurinn fór á flot á tímabili og þetta líktist aðallega vatnapóló. Lék mína venjulega stöðu, hægri bak, átti fínar reddingar og ég held að ég geti sagt að ekkert alvarlegt gerðist á meðan ég var í minni stöðu. Rétt fyrir lok fyrri hálfleikst þá var ég tæklaður illa rétt fyrir neðan hné sem er náttúrulega stórhættulegt, guttinn fékk gult og þar af leiðandi 10 mínútur út af, ég varð að fara útaf líka til að jafna mig aðeins, en við vorum ekki með skiptimann fyrr en í seinni hálfleik. Er með flottar stríðsrendur á sköflungnum eftir takkana hjá andstæðingnum, sé það núna að þetta hefði geta farið rosalega illa en sem betur fer þá......

Á föstudaginn var hið árlega haustgrill Rasmus Rask. Ótrúlegt hvað fólk getur ekki pælt í einu né neinu, mæta á staðinn og ætlast til að grillin séu heit og tilbúin en dettur ekki í hug að koma með sín eigin og gera klárt fyrir sig og sína. En svona er þetta víst bara. Eftir matinn var sungið og trallað á gíta, langt síðan það hefur gerst hér á RRK. Þetta var heljarinar fjör en ég var farinn heim um kl. 23.30, nennti ekki meir...

Hvað meira....

Haukur og Heiðrún eru orðin foreldrar. TIL HAMINGJU MEÐ ÞAÐ. Eignuðust lítinn strák, 16 merkur og hann er rosalega myndarlegur. Ætlum að kíkja á þau á eftir, hlakka til að sjá krílið.

Annað er það ekki í bili...stutt í haustfrí hjá mér og þá verður gert eitthvað skemmtilegt.

Fréttir...

Jæja þá "fann" ég tíma til að setjast niður fyrir framan tölvuna og skrifa nokkrar línur.

Hvað hefur verið að gerast síðan síðast....hmmmmmm.....

Var veikur, ekki gaman, en er samt að jafna mig í rólegheitunum. Hvað meira, við erum orðnir stoltir eigendur að Kolonigarði hér í Odense. Kolonigarður er svona litlir garðar sem að fólk getur komið og ræktað grænmeti, ávexti og ber og svona, haft falleg blóm og svo eru yfirleitt svona einhver hús á þessum lóðum. Í okkar garði er jú hús, en það er fúið og ónýtt þannig að það verður rifið við tækifæri og svo vonandi byggt nýtt í staðinn. Þetta er á góðum rólegum stað í útjaðri Odense og það eru klósett og svona í sameiginlegum sal nálægt.

Nágrannarnir okkar eru ekki af verri endanum. Sjálfstæðismaðurinn Pétur Ottesen og fjölskylda eru í garðinum fyrir neðan okkur, tilvonandi félagi minn í hljómsveitinni Los Duos, Davíð og fjölskylda...svo við hliðina á okkur er litil kallinn hann Elli með sína familie.

Jæja...skólinn kallar...verð víst að sinna honum ef ég á að klára þetta einhverntímann..

Við heyrumst síðar.

Fótbolti, Viský og fleira

Já er einhver tenging þar á milli...

Hjá mér er það. Málið er að ég fór á fótboltaæfingu í kvöld bara svona til þess að pirra þá sem að voru að spila leik á miðvikudaginn í seinustu viku, þeir nefnilega skít töpuðu leiknum og geta ekki afsakað sig vegna þess að þeir vita að þeir áttu að vinna. Ég aftur á móti get skotið á þá hægri vinsti vegna þess að ég er í tveggja leikja banni eftir leik við Holuf-Pile en það er svo aftur á móti önnur saga. En aftur að æfingunni, fór og skaut á strákana þangað til að þeir hótuðu að lemja mig....hætti þá en held áfram á næstu æfingu, þá verða vonandi þeir komnir sem að eiga það skilið að fá að heyra það...

En þetta með viskýið. Er nefnilega með kvef og ákvað að skella mér í boltann til að hlaupast undan kvefinu en það tókst nú víst ekki þannig að það er ekkert annað en að skella sér í sjóðheita sturtu og skella í sig viský glasi. Sit með Glenfidich 12 ára Single Malt Solera Reserve sem að ég fékk í 30 ára afmælisgjöf.

Hvað er annað að frétta...voðalega lítið. Er bara í skólanum og svo heima að rembast við að lesa en það er hann Viktor Daði sem að lætur mig nú alveg heyra það ef að ég kíki nú ekki á hann á tveggja mínútna fresti...Ég verð bara að láta mig hafa það að vera svolítið lengur í skólanum á daginn svo að ég verði búin að læra þegar ég kem heim, þá get ég leikið við soninn og svona.

Skólinn er svosem ágætur. Svolítið mikið að lesa. Búinn að kaupa allar bækurnar alls í kring um 7-8 stk. en samtals blaðsíður eru hátt í 8000....Neibbs ég er ekki búin að setja einu núlli of mikið ég meina það Áttaþúsund blaðsíður í örfáum bókum. Flestar eru með klassískum bókmenntum bæðir breskar og Amerískar fram að árinu 1922, svo kemur málfræði og saga, Hugmyndaleg tungumál og skriftir og gagnrýni með krítískri hugmyndafræði. Svo þarf maður að æfa sig í þeim fögum sem að ég hef ekki ennþá náð (þau eru víst orðin þrjú því miður). Hvað tekur svo við næst....jú BA verkefni haustið 2007 og svo eftir það tek ég tvær annir í valfög hef ákveðið að taka Organistorisk Kommunikation eða í grófri þýðingu Samtaka Samskipti sem er í raun bara samskipti milli félaga og fyrirtækja eins innan þeirra...mjög spennandi og atvinnumöguleikarnir eru óteljandi. Hvað svo...er að hugsa um mastersnám í áframhaldandi samskiptum bæði innan og utan fyrirtækja...hef jú alltaf haft svolítið gott með að tala eins og þið vitið...

Jæja best að fara að leggja sig, þarf víst að hjóla í skólann á morgun þar sem að Þóra og Viktor Daði eru að fara í ungbarnasund.

Annað var það ekki, góðar stundir.

Nýr ég????

Jæja, er ekki best að koma sér að verki með að blogga...það er svo margt sem að mig vantar að segja en hef ekki sagt, og segi ég nú svakalega mikið, þannig að það ætti að vera nóg að lesa næstu mánuði...

Ég ætla bara að hafa bloggið stutt í þetta sinn en vil enda það með að benda á mjög flotta uppskriftarsíðu sem heitir matseld.is.

Njótið

Tvisvar í sama mánuðinum...

VÁ!! Hvað ég er duglegur..

Jæja, þá skín sólin, en það snjóaði samt áðan, örlítið, varla hægt að setja það í skál það var svo lítið. Veðurspáin er sæmileg það sem eftir er vikunnar, það á víst að fara hlýnandi hér í DK.

Skellti mér á fótboltaæfingu og var bara nokkuð hress eftir hana, hljóp eins og ég ætti lífið að leysa eftir boltaskrattanum, er að hugsa um að skella mér aftur á fimmtudaginn, þetta er svo helv... hressandi að hitta strákana og spriklast svolítið.

Annað er voða lítið að frétta af okkur. Bara um 2 vikur þangað til að Þóra og Viktor Daði lenda á klakanum, sem þýðir að það eru einungis um tvær og hálfa viku sem að ég á að fara í fyrsta prófið mitt, Videnskabsteori I eða Philosophy of Science I eða Heimspeki Bókmenntavísindi. Það hljómar samt ekki eins slæmt eins og það er skrifað... er búinn að eyða deginum í dag í að undirbúa mig...allavegana byrja.... svo er ég líka búinn að þýða tvo texta frá ensku yfir á hljóðtákn með breskum framburði... svona er nú skólinn minn skemmtilgur.

Jæja nóg í bili, langaði bara að láta vita hvað ég er að gera...hvað eruð þið að gera þessa dagana annars?

Týpiskur titill...

...kominn tími fyrir blogg, er svo svakalega latur að blogga....blablabla...

Ætla ekki að byrja svona, enda er það líka bara ég sem ræð hversu mikið ég blogga, eða hvað?

Það er jú liðinn langur tími frá því ég skriftaði...sorrí...skrifaði seinast, en það er nú svosem allt í lagi, það er þessi sem stelur allri athyglinni, líka minni.

Af okkur fjölskyldunni er nú svosem lítið að frétta...Þóra og Viktor eru í London að hitta Þórunni, Alex og Pedro, skildu mig eftir með bunka af bókum sem að ég þurfti að lesa í....datt nú ekki í hug að maður myndi nú læra eitthvað af því, en það er nú raunin. Er búinn að lesa um t.d. afhverju Shakespear skrifaði kómedíur, búinn að læra hvað Hypothetiko Deduction Method er í heimspeki, er búinn að læra afhverju bretar fóru út í Trench warfare (berjast í skurðum), svarið er víst einfalt....þeir kunnu ekkert annað. Er búinn að lesa um neytendur í USA frá árunum 1940-1980. Er búinn að sitja sveittur yfir málfræði og ekki skilja neitt.....

Svona er maður búinn að vera duglegur, enda líka þörf á fyrsta prófið eftir mánuð (10. apríl) í heims(k)speki...(hehe).

Jamms og jæja, ætlaði að skrifa rosalega mikið hérna inn en svo datt andinn og ég veit ekkert hvað maður á að skrifa...þeir sem að lesa þetta vita nú flest hvað á daga manns dregur.

Jæja núna er klukkan orðin 21.12 hjá mér og ég ekki farinn að borða kveldmat.....kanski að ég kippi því í liðinn......NÚNA.

Við heyrumst nú kanski fljótlega.....

Hugarheimur Ágústar...

Hvað er að frétta af mér?

Ekki mikið, er að rembast við að læra Ensku, ala upp son minn og unnustu (hehe).

Á okkar daga hefur mikið drifið undanfarnar vikur. Gestir og fleiri gestir hafa kíkt við í mislangann tíma. Pabbi og mamma og amma komu og voru hjá okkur í 6 daga, það var voða notalegt, komu til þess að skoða barna-barnið jú og líka barna-barna-barnið. Það var held ég helsti tilgangur ferðarinnar, það vildi svo skemmtilega til að ég átti líka afmæli á meðan þau voru hér þannig að þetta var ágætis afsökun fyrir þau að koma og hitta fjölskylduna litlu í Odense.

Jújú kallinn orðinn 30 ára, Einar Guðberg vinur minn á svosem eftir að minna mann á það næst þegar við hittumst, en mér til huggunar þá eru það svo margir sem að verða 30 ára á árinu, t.d. allir þeir sem að voru með mér í bekk í grunnskóla, jú svo og nokkrir aðrir góðir vinir...svo líða nokkur ár og þá kemur EG, langt á eftir (hann fær sko að heyra það þá).

Á afmælisdaginn þá var voða lítið gert, svarað í síma og þakkað kveðjurnar, teknir upp nokkrir pakkar, farið í BILKA, eldað, slappað af og svo borðað dýrindi lamb fyllt með allskyns gotteríi...það eina sem að klikkað var á var eftirrétturinn en McDonalds reddaði því í snatri með McFlurry ísnum sínum, klikkar aldrei.

Annað dettur mér ekki í hug akkúrat núna, er örlítið pirraður þessa stundina, er að reyna að fá svör við spurningum sem ég spurði að en það er eins og vanalega erfitt að fá svör, mér finnst alltaf eins og ég sé að draga upp úr þessum köppum hernaðarupplýsingar sem enginn nema þeir eigi að fá að vita...kanski vilja þeir bara ekki segja mér þetta??? Hver veit? (kanski þeir!)

Jamms lífið er eitthvað að stríða mér núna þannig að ég ætla að hætta að blogga, annars enda ég með því að "spill my guts" eins og sagt er á útlenskunni....og ég ætla sko ekki að gera það hér

Góðar stundir

Kominn tími til...

... að gefa sér tíma til þess að setjast fyrir framan tölvuna og skrifa nokkrar línur hér inn.

Jú árið 2005 er liðið og ég geri ráð fyrir því að þeir sem að þekkja mig og lesa hérna viti að það markverðasta fyrir mig á árinu er fæðing sonar míns þann 19.nóvember. Annað er ekki vert að nefna hér.

Árið 2006 byrjar vel, mér gekk vel í prófunum, náði öllu og fékk meira að segja 11 í einu prófanna sem þykir gott í Danmörku. Byrja svo aftur í skólanum 1. febrúar n.k. er svona að skoða með þetta nám, er ekki viss um hvert Enska er að leiða mig, langar mikið meira að læra eitthvað í átt að samskiptum og svona, á ensku kallast þetta Public Relations, held að þetta sé meira fyrir mig. Get jafnvel farið í nám sem heitir Communication and Media sem er stílað inn á svona fjölmiðlun og samskipti, mjög spennandi.

Af öðru, þá er ég að bíða eftir fréttum af þeim Berglindi og Binna, en þau áttu að eiga barn þann 14. janúar (held ég) og seinast þegar ég frétti var ekkert barn komið, ég fæ það eflaust bara í afmælisgjöf.

Mikill gestagangur er framundan hjá okkur. Þær ofursystur Lilja og Jóhanna eru að koma á föstudaginn til að gera Viktor óþekkan, þær þykjast ætla að kenna okkur allar uppeldiskenningarnar á einni helgi (það tekur nú lengri tíma en það held ég nú), svo koma Mamma og Pabbi og Anna amma þann 3. febrúar og ætla fagna 30. afmælisdeginum mínum með mér. Pabbi og amma eru þá að sjá Viktor í fyrsta sinn þannig að það verður spennandi.

Jæja þetta er nú það sem er að gerast á þessu heimili á nýju ári....bendi á óskalistann minn hjá Amazon.co.uk fyrir þá sem að vilja gefa mér afmælisgjöf, en þið getið skoðað hann HÉR.

Góðar stundir.

p.s. hendi inn nýrri uppskrift síðar.

Um leið og ég þakka fyrir vinskapinn og áhugann fyrir þessu bloggi

þá vil ég óska öllum

Gleðilegra jóla og

farsældar á komandi ári

Sjáumst svo hér á nýju ári

Ágúst Þór

Pása

Já, núna er sko alveg nóg að gera í skólanum, síðustu hópverkefnin og svo eins og 4 lokaverkefni.

Ég hef því tekið mér pásu frá bloggi um óákveðin tíma, ég er EKKI hættur að blogga, ætla bara að gefa mér tíma í að klára þessi verkefni.

Við sjáumst bráðum...

Myndaóðir foreldrar

Nýjar myndir í myndaalbúminu..

Dagur 3.

Enn hrúgast inn myndir, hann er nú orðinn svolítið þreyttur á pabba sínum, alltaf með þetta flass í andlitinu......en svona er þetta nú bara. Fleiri myndir hér.

Nýjar myndir...

Nýjar myndir af stúf hér