Íslendingar eru allsstaðar!!!

Ég var í dönsku í dag eins og alla hina miðvikudagana, og ég var ekki að skilja eitt orðið í verkefninu þannig að ég vippaði bara orðabókinni á borðið og viti menn, ég var spurður á íslensku "Ertu íslendingur?), ég var ekki að fatta þetta þar sem að ég vissi að gaurinn við hliðina á mér var ítalskur gigaló, en hey, hann talar íslensku, enda bjó hann á íslandi í 7 ár. Það er nú ekki nóg, því að þegar við vorum að spjalla þá sá ég að annar gaur, sem er asískur að uppruna, horfði rosa mikið á okkur og ég náttúrulega horfði bara til baka, þá kom minn bara og bauð góðan daginn á okkar ástkæra tungu Íslensku, þessu átti ég nú ekki von á, en hey svona er þetta.

Annars er ekki mikið að frétta, Geir frændi (bróðir mömmu) er kominn til DK og er að fara á eitthvað bakaranámskeið í Middelfart sem er um 50 km frá Odense, hann hringdi í dag og var að kanna ástandið á okkur og til að spyrja hvernig maður hringdi til Íslands (það er 00-354-símanúmer). Það er víst svaða prógram á morgun og föstudag en á laugardaginn ætlar hann að kíkja á okkur skötuhjú, það verður nú gaman að hitta einhvern úr familíunni.

Um helgina er svo fredagsbar í skólanum og ODENSE KULTURNAT um kveldið, aldrei að vita nema maður kíkji loksins í þetta Íslendingafélag hér í Odense, bara svona til að skoða og kanna þetta...

Þangað til næst...