Farinn...

... til London til að sjá West Ham spila á móti Liverpool á Upton Park.

Góðar stundir...

Nýr einkunarskali í Danmörku

Ég veit að það er nú svolítið seint að vera að tala um þennan blessaða skala sem nú er verið að nota í fyrsta skiptið. Fyrir þá sem ekki vita um hvað ég er að tala þá er kominn svokallaður 7-trins skali sem að samanstendur af 7 einkunum, sú lægsta er -3 og sú hæsta 12 svo eru þarna á milli 00, 02 (sem er nóg til að standa =5 á íslenskum skala), 4, 7 og 10. Þetta er náttúrulega ekki rökrétt einkunnargjöf en svona er þetta víst, þetta á að hjálpa öllum segir Ríkið en...

... í dag var ég að skila inn áætlun fyrir munnlegt próf sem ég tek nú í lok janúar og hitti þar á nokkra góða kennara sem hafa kennt mér í gegnum tíðina. Ein var að kvarta yfir þessum einkunarskala og lýsti því yfir að það væri mjög erfitt að gefa einkunn eftir þessum skala (þessi blessaða kona er Bresk og umræðurnar fóru fram á Ensku), þar koma inn tveir karlmenn og annar (sem aldrei getur þagað) segist alveg vita afhverju stjórnvöld kæmu með svona asnalegan skala. Þetta væri einfaldelga til þess að losna við Svía úr læknanámi í Danmörku. Ég hló. Svo hélt hann áfram að það væri einfaldega nauðsynlegt fyrir svía að koma til Danmerkur því að þeim vantaði svona háar einkunnir (maður gat fengið 11 og 13 áður) því að greyjin væru ekki svo klár í kollinum, þetta væru óttalegir páfagaukar. Ég hélt áfram að hlægja. Konu greyjið var nú ekki að skilja þetta enda ekki Dönsk og ekki Sænsk. Ég gat nú ekki lengur þagað og spurði manninn hvort að þessi kenning hans gengi yfir íslenska læknanema í Danmörku, hann horfði á mig og sagði: "You Northern people come here to buy stuff, I don´t hate people from Iceland but I really do hate Swedes" (Þið Norðanfólk komið bara hingað til að kaupa hluti, ég hata ekki fólk frá Íslandi en ég hata Svía). Ég hló, og konugreyjið fór bara, engu skilningsríkari í þessu blessaða einkunarkerfi hjá Dananum.

Svona var nú lífið í Syddansk Universitet í dag kl. 10.06.
Lifið heil

Nýtt ár, nýtt útlit...

... ekki á mér sko en á blogg síðunni. Ég hef verið að velta því fyrir mér að hætta þessari vitleysu þar sem að ég hef ekki nennt að sktrifa neitt hérna inn, en ég ætla að gefa þessu eitt tækifæri í viðbót og reyna mitt besta (ekki samt búast við neinum gloríum).

Gleðilegt nýtt ár, hlakka til að kljást við nýtt ár með ykkur þarna úti....

Gleðileg jól

Loksins datt mér í hug eitthvað til þess að blogga um...

Já haldiði að karlinn sé ekki kominn með nýja fartölvu. Gripurinn heitir Acer Aspire 4920 og er skrambi góður bara. Ódýr en góð fartölva með öllum mögulegum tryggingum vegna þess að ég á lítinn púkaling sem heitir Viktor Daði og í hans huga er allt merkilegt.

Af okkur er svosem lítið að frétta, styttist í London ferðina okkar sem að við keyptum okkur fyrir langa löngu á 500 d.kr. Ætlum að hitta Þórunni, Pedro og Alejandro Egil. Þetta verður voða spennandi og hlakkar okkur rosalega til. Ég er búinn að plana að heimsækja tvo staði. Þennan og þennan. Svo nýtir maður tækifærið og eldar einhverja snilldina úr frábæru, FERSKU hráefni hvaðan sem er að úr heiminum.

Já svona er nú það, held að þetta sé lengsta bloggið mitt síðan ég veit ekki hvenar......en meir um það síðar.

Þangað til næst, óverandát.

Datt í hug að blogga...

...datt svo ekkert í hug til að blogga um.

Svona eru sumir dagar.

Reyni aftur seinna

Svínið og ýmsir hlutar þess...

• Höfuð í sultu og pylsur.


• Hnakki/kambur í svínasteik, hnakkakótilettur og strimla


• Svínahryggur í svínasteik, hamborgarhrygg og svínakótilettur.


• Svínalundir heilsteiktar eða í buffsteikur.


• Læri í steikur, snitsel, bayonnskinku, í teninga eða strimla, í kínverska rétti eða pottrétti.


• Skanki í súpu og pottsteik.


• Slag í rúllupylsu og upprúllaða steik.


• Svínasíða í steikt rif, beikon og rifjasteik, með eða án puru.


• Bógur í bógsteik, pottsteik, upprúllaða steik, pönnusteikur og teninga eða strimla


• Úr innmatnum má fá steikta lifur, lifrarkæfu og steikt hjörtu.

Einnig fæst úr svíninu hakkað kjöt í kjötbollur, krepinettur, kjötbúðing, paté og margt fleira.

Upplýsingar frá svínakjöt.is