Uppskriftir...

Já einhverntímann þá setti ég stundum hérna inn góðar uppskriftir. Ég er að hugsa um að skella einni slíkri hér inn í dag. Bara svona í tilefni dagsins (sem er í rauninni ekki neitt).

Já en hvað á það að vera, ég hef sett inn uppskrift af gúllas súpu, súkkulaði köku og svo einhverju meir sem að ég man ekki í augnablikinu núna hvað er. Ég hlít að finna upp á einhverju.

Mér datt ekkert í hug en....ég fann hérna þessa fínu uppskrift á Hvad Fisker du Efter.dk. Það er alltaf gaman að prufa eitthvað nýtt með fiska...ég mæli með að þið sjóðið nýjar kartöflur og berið þær fram með fiskinum og fersku salati...

Bon apetit...

Kuller=Ýsa

Dampet kuller med chili, koriander og lime

1 dl æblemost
1 spsk. honning
1 rød chili
1 limefrugt
1 lille bdt. koriander
koges ind
koges ind
kerner fjernes
presses
hakkesDamp kullerfileten i 8 min. under låg. Æblemost og honning koges ind til en siruplignende konsistens. Tilsæt hakket chili, limesaft og koriander. Server fisken og hæld lagen over.Ingredienserne er beregnet til 2 personer. Til hver person regner man med 150 g fisk i filet.

Lambalæri og vinskapur í 1 ár.

Já það var sannkölluð íslenzk sunnudagssteik hér á boðstólnum í íbúð 2302 í gærkveldi. Okkur Þóru langaði svo í lamb þannig að Þóra fór í búðina á laugardaginn og keypti íslenzkt og ný sjálenskt lambalæri og svo buðum við fjölskildunni úr 3102 í mat. Þegar ég var að undirbúa matinn mundi ég allt í einu að það var í kring um 1 ár síðan við kynntumst einmitt yfir íslensku og ný sjálensku lambalæri í íbúð 1605 hjá þeim Ingva, Sigurrós og Nökkva kópavogsbúum (núna)...gaman af því. Ég kryddaði það íslenska með Lamb Islandia frá pottagöldrum og hitt lærið sprautu marineraði ég með Garlic/Rosmary marineringu frá Cajun Injector, nýjasta æðinu á íslandinu. Þetta var náttúrulega bara snilld.......

Annars er þetta allt við það sama....

Góðar stundir.

Nýtt á vefnum...

Já ég var að vafra og fann þá nokkra spennandi hlekki sem að ég henti hér inn til hliðar. Fyrst ber að nefna veitingastaðinn NOMA (stytting á Nordatlantisk Mad) sem hefur á boðstólnum Íslenskt, Grænlenskt og Færeyskt hráefni eins og t.d. Skyr. Mjög spennandi. Svo var mér bent á desserta snilling sem að heitir Markus Grigo og ég gróf upp heimasíðuna hans og setti hlekk hér inn. Hann er svolítið geggjaður og er að leika sér svolítið með hráefnið í eftirréttum eins og best sést í Gæsalifrarísnum sem að hann er með uppskrift af í bókinni sinni. Ég hef smakkað þennan ís og hann er FRÁBÆR, Mmmmmm hann var góður.
Maðurinn á bakvið NOMA fær líka sína heimasíðu hér inn hjá mér, en hann heitir Claus Meyer og þykir nokkuð framarlega á sínu sviði sem að náttúrulega tengist mat og eftirréttum þó aðallega.

Eins og glöggir hafa tekið eftir þá er ég svolítið áhugasamur um eftirrétti þessa dagana og ég er alltaf að reyna að finna einhverja eftirrétti sem að ég hef ekki prufað áður. Við í eldhúsinu á Restaurant Skoven bjóðum meðal annars upp á Rauðbeðu ís innvafinn í lagkökubotn, borinn fram með Körvel sorbet (veit ekki hvað körvel er á íslensku en það er kryddjurt sem að líkist arfa).

Ég set líka inn hlekki fyrir súkkulaði elskendur en ég fann líka heimasíðu Chokoladeselskaben, eða súkkulaðifélagið (mætti orða það þannig), þar er fróðleikur og uppskriftir með náttúrulega súkkúlaði og svona.

Annars er lítið að frétta af mér, ég er að fara að fá helgarfrí í fyrsta skiptið í 9 vikur eða svo, þá á að nota tækifærið og elda góðan mat (vonandi) með Gumma og Freyju og Ársól. Á matseðlinum er Hákarl, Blue Merlin, Antílópa og Kengúra, svo kanski eitthvað sniðugt í eftirrétt ef að maður verður uppfinningasamur....

Þannig er nú það...en þið njótið bara lífsins.

Góðar stundir.

Ég er fluttur út...

...úr íbúðinni og við Þóra erum komin í aðra, stærri.

Þannig er nú það. Við fengum tilboð í stærri íbúð hér á Rasmus Rask Kollegie og við þáðum það og fluttum núna í seinustu viku og erum ennþá að koma okkur fyrir....
Nýja heimilisfangið okkar er þá:

Ágúst og Þóra
Elmelundsvej 4, #2302
5200 Odense V
Danmark

Annars er ekki mikið að frétta af mér, ég vinn bara og kem heim og vinn og kem heim og stundum er ég í fríi, en seinustu vikur hafa fríin mín farið í flutninga....

Ég er voðalega lítið fyrir að fara á netið þessa dagana, þannig að það hefur ekki verið mikið bloggað eins og glöggt fólk hefur tekið eftir, það er ekki mikil von á það breytist. En batnandi fólki er best að lifa sagði einhver og ég skal reyna mitt besta að setjast niður og skrifa nokkrar línur hér, þó svo að það verði bara um hvað ég smakkaði skrítið og nýtt í vinnunni í dag...

En þetta er nóg í bili. Lifið heil.

p.s. símanúmerið er það sama nema í stað 137 þá kemur 232.

Kominn tími til...

... að skrifa nokkrar línur hérna svo að fólk haldi ekki að ég sé hættur þessu öllu saman.

Málið er að tölvan hefur verið að stríða okkur eitthvað undanfarið og við hreinlega ekki nennt að rembast við þetta.

Annars gengur lífið hér í Odense sinn vana gang. Ég er í vinnu og Þóra er í skólanum. Við hittumst nú oftast á kvöldin en það er nú ekki alltaf. Stundum er hún farin að sofa þegar ég er að skríða heim.

Ég var í þriggja daga fríi í seinustu viku og við nýttum tækifærið og kíktum niður til Hamborgar. Það var bara gaman. Þetta er svolítið stór borg en þar er mikið að sjá og skoða. Við vorum á voðalega fínu hóteli sem er rétt fyrir utan miðbæinn en það skipti engu málið því að við fengum passa sem að gilti í allar almeninngssamgöngur í borginni, og það nýttum við okkur.

Annars er bara að koma haust (ekki það að veðrið í dag segi það. 27°C og glampandi sól). Og brátt kemur október og þá eigum við von á einhverjum gestum sem að er náttúrulega bara frábært...hlakka mikið til. Vona bara að ég eigi einhverja frídaga þegar að fólkið kemur en annars er ég aldrey að vinna það lengi í miðri viku að ég hlít að ná að sjá eitthvað af gestunum.

En talandi um gesti þá voru Einar Guðberg og Klara í heimsókn í DK í ágúst og við fengum að sjá hvort annað nokkuð mikið því að það var ekki svo mikið að gera í vinnunni. Það var æðislegt að hafa þau í nágrenninu. Þau fóru svo til Köben í viku og ég vona að dvölin þar hafi verið frábær. Ég vil bara koma þökkum til þeirra fyrir heimsóknina og bíltúrana og allt hitt.

Jæja, það er asnaskapur að hanga hérna inni og pikka á tölvu, ég ætla út að viðra mig og kanski að ég hjóli upp í skóla til Þóru og hitti hana og hjóli með henni heim aftur.

Lifið heil ...