Góður dagur í eldhúsinu...

Já það var sko fínn dagur í eldhúsinu í dag, þ.e. í skólanum (jú og líka heima; grillaðar pylsur). Í dag áttum við að búa til eftirrétti og það var sko flóra...ég og Chris áttum að búa til Eplagel, Vanillukrem, Panna Cotta (rjómi, sykur og matarlím soðið saman og voila eftirréttur) og svo að lokum eitthvað sem að danir kalla Sneæg, sem er í raun bara vanillukrem með svona einskonar marengsmassa útí (massinn á að líkjast eggi í laginu)...svo fannst okkur þetta ekki nóg þannig að við bjuggum til "Blæðandi" súkkulaðiköku sem er bara hreinasta snilld.....Mmmmmm . Þetta er svona súkkulaði kaka sem er bökuð að utan en er fljótandi í miðjunni....og det smager bare så godt...

Og afþví að ég er svo góður í mér þá læt ég fylgja hérna uppskrift af svona "blæðandi" súkkulaðiköku, sem að oft kallast Litla syndin ljúfa ( og belív jú mí hún lítil og ljúf syndin)...

LITLA SYNDIN LJÚFA
fyrir 6
140 g. Smjör
140 g. 70% súkkuklaði
2 stk. Egg
3 stk. Eggjarauður
140 g. Flórsykur
60 g. Hveiti

Hitið ofninn í 220°C án blásturs
Smyrjið lítil soufléform, eða litla kaffi/te bolla sem þola mikinn hita
Bræðið saman súkkulaði og smjör við vægan hita, og takið af hitanum þegar smjörið er orðið bráðið. Hrærið þangað til súkkulaðið er líka orðið bráðið
Hrærið saman eggjum og eggjarauðum og bætið í flórsykri
Blandið súkkulaðiblöndunni saman við og hrærið vel í
Bætið að lokum við hveitinu og munið að hræra vel en samt ekki of lengi

Setjið ca. 1 dl í hvert form og bakið í 11-12 mínútur ÁN BLÁSTURS ( hægt er að gera þetta klárt deginum áður, ef deigið hefur er sett í ofninn beint úr kæliskáp bætið þá 1-2 mínútum við baksturstímann)
Takið formin út og látið standa í ca. 3 mínútur

Berið fram með ís eða krapís, líka gott að gera sósu úr 1 hluta berjum, 1 hluta flórsykri og smá vatni blandað saman í matvinnsluvél og sigtað (má sleppa því að sigta, þá verður sósan bara grófari)

Verði ykkur að góðu

Kjúklingur er bara andsk... góður...

Já ég var að enda við að elda ofaní okkur Þóru. Þemað var hollt og GOTT og ég held að mér hafi bara tekist nokkuð vel upp. Ég tók kjúkling og marineraði hann í olíu með kryddum og smá ediki. Síðan tók ég rauðlauk og skrældi hann og skar í 4 báta, eftir það tók ég litlar kartöflur og hreinsaði þær vel og skar svo í tvennt.

Ég skellti kartöflunum og lauknum í form og hellti svo restinni af marineringunni yfir og kryddaði með salti og pipar. Forbakaði þetta í ca. 15 mín.
Tók kjúllann og steikti ("lokaði) á pönnu og svo henti ég honum yfir laukinn og kartöflurnar.

Inn í ofn og bakað við 200°C, þangað til að kartöflurnar eru tilbúnar, ca. 20-30 mínútur.

Með þessu var köld sósa hrærð út í Sýrðan rjóma....

Mmmmmmmmm.....

Eins og ég segi Holt og GOTT, þar að auki alveg rosalega einfaldur og léttur réttur....

Verði ykkur að góðu

Myndir frá laugardassmakkinu komnar inn...

Ýtið Hér

Breitingarskeiðið...

Ég er að ganga í gegnu um breitingarskeiðið þessa dagana og má því búast við örum breitingum á blogginu......

Endilega verið samt í bandi við mig.......

Nýtt look......

Og hvernig lýst ykkur á?????????

Helgin gerð upp...

Jújú, eins og oft áður þá lætur maður sér ekki leiðast um helgar....

Á föstudaginn þá gerði ég ekki neitt.......(hehe)

Á laugardaginn þá vaknaði ég snemma til þess að undirbúa matarveisluna miklu um kveldið...mitt hlutverk, að koma með SUSHI handa fólkinu; þó svo að því leist nú ekkert á það. Allavegana, þá bjó ég til fjórar tegundir af SUSHI (Lax og avocado, Túnfiskur og avocado, Kaliforníurúllur með gúrku og Túnfiskur og gúrka)Mmmmm hvað þetta var gott (að mínu mati, og ég held flestra annara líka). Svo bjó ég til létt sumarsalat sem samanstóð af Mozzarella, tómötum og basilikum, kryddað með salt og pipar og örlítilli ólífuolíu.
Um kl. 14.00 þá fór ég niður í bæ til þess að hitta á eiganda Mona Rosa sem er mexikóst veitingahús hér í bæ og ég er að reyna að fá vinnu þar í sumar....og örlítið með skólanum. Hann mætti svo ekki fyrr en um kl. 15.00, en ég hitt hann samt og ég er nokkuð bjartsýnn á að ég fái vinnu þar í sumar........Cross your fingers!!!!

Núna er ég kominn að kveldinu mikla, við mættum hjá Sigurrósu og Ingva um kl. 19.00 og svo komu Gummi og Freyja stuttu seinna, Gummi var greinilega orðinn eitthvað svangur því að það fyrsta sem að hann gerði var að setja pönnu á helluna og ætlaði bara að fara að steikja túnfiskinn..........NEI, það gengur bara ekki þannig fyrir sig Gummi minn...............:-)

Við byrjuðum á því að gefa börnunum brauð.....eða pizzu....og sestum sjálf niður og fengum okkur forrétt (SUSHI) og svo var drifið sig í að undirbúa aðalréttinn sem samanstóð af: Túnfisk, Krónhyrti, Svínalundum, tvennskonar kartöflum, ostasalati og sósu..........Mmmmmmmmmmmmmmmmmmmmmmmmmmmmmmmmmmmmmmmmmmmmmmmmmmmm.

Eftir allt þetta var boðið upp á Eplastrudel (eplaköku/pæ) og ostaköku sem að þær Sigurrós og Freyja bjuggu til.

Síðar um kveldið tók við skemmtilegt spjall og smá drykkja (Odense Klassik) og smá smakk af nammigotti...sem er nefnilega fjallakakó (SwissMiss og Stroh 80) og það er bara nammigott...

Á sunnudaginn var sofið út, en svo skellt sér í sveitina til þess að lagfæra gestahjólið sem að við áttum þar. Við stoppuðum ekkert og drifum okkur heim, með smá stoppi í garðinum hjá Freyju og Gumma, en það "smá" stopp varði eiginlega restina af deginum þar sem að við horfðum á þau vinna (hehe), en urðum leið og hjálpuðum þeim smá. Buðum þeim svo í mat þar sem að þau voru svo þreytt eftir góðan dag í góða veðrinu.
Í gærkveldi horfði ég svo bara á imbann og hafði það næs......

Smá blogg kanski af því að ég hérna...

Það er nú lítið að frétta...

Ég var að lesa á bloginu hennar Sigurrósar að hann Nökkvi (strákurinn hennar) er að fara að taka þátt í 100 ára afmælishátíð hjá OB (Odense Boldklub) og var hann valinn sem einn af sjö í hópnum hans, fínn árangur hjá honum og til hamingju Sigurrós.

Ég er að fara í atvinnuviðtal á eftir hérna niðri í bæ...við erum þá að tala um sumardjobb, og vonandi svona smá með skóla, þetta er ekki svona staður þar sem að maður fer á samning á, en þetta er góður stökkpallur til að rembast við að fá þá á fínni stað, góð reynsla...

Blíðan hér í Odense er, held ég, komin til að vera. Þetta er búið að vera yndislegt og ég er að fíla þetta í köku, en samt ekki að fíla eins mikið þessi þrjú flugnabit sem að ég er með á löppunum, ég held að þetta sé eftir þennan fótbolta sem að ég dreif mig í á sunnudaginn. Það er aftur fótbolti í dag en ég er bara ennþá með harðsperrur og svo meiddist ég líka lítillega á löppinni, og ég ætla bara að láta það jafna sig áður en ég fer og sýni fleiri meistara takta hérna niðri á grasflöt.

Við Þóra fórum á Ryans í gær til þess að hitta hann Óla Litla, hann er í "lítilli" heimsókn hér í Odense, kom í gær, fer í dag... Hann var bara kátur, við spjölluðum aðeins um hann og hans familíu og komst ég þá að því að hann á von á stelpu í sumar (vissi reyndar að hann ætti von á barni) og svo hélt hann áfram með því að tilkynna okkur það að hann væri bara að fara að gifta sig núna í næsta mánuði....ég spyr bara hvað næst??????????
Annars vil ég nú bara segja til Óla, Kollu og Arons til hamingju með þetta allt saman, og takk fyrir boðið í brúðkaupið, en ég held að ég komist bara alls ekki.....sorrí. Mér finnst þetta alveg frábært hjá þeim.................

Jæja ætli þetta sé ekki komið nóg í bili....ég læt ykkur vita hvernig fer með sumarvinnuna mína hér í Odense.....

Velkominn aftur Víkingur...

Jú hann Víkingur er víst mættur aftur og ég hélt að hann væri bara búinn að gefast upp.....en neiiiiiiii, hann kemur sterkur inn (vonandi) og því best að bæta honum inn á linkana hér til hliðar... ég segi það aftur Víkingur velkominn aftur

Fótbolti...

Já fótbolti.....

Ég skellti mér í svokallaðan íslendingafótbolta í gær og var í markinu þar sem að ég gat bara hlaupið í 0,3 mínútur og svo var ég búinn á því...það kom mér bara skemmtilega á óvart að ég skyldi geta eitthvað í marki en ég hef alltaf reynt að forðast það eins og heitann eldinn...
Dagurinn í dag ber þess merki að ég hafi notað aðra vöðva en vanalega í gær, en það er nú bara til þess að hafa gaman af....

Annars er lítið að frétta héðan...engin vinna í höfn en vonandi kemur eitthvað í ljós á næstu vikum.....

Þangað til þá...

Smá blogg í skólanum...

Já undanfarið hefur nú ekki verið mikið um blogg hjá mér, en ég hef verið á fullu að sjá um 4 konur sem að hafa búið hjá mér yfir páskana. Það hefur verið nóg um að vera og mikið skoðað.

Páskarnir gengu sinn vana gang hjá okkur Þóru, grétum út alveg 3 páskaegg og erum ekki búinn með eitt....skrítið! Reyndar var það ekki opnað fyrr en seint á páskadag (alveg um kl. 21).

Annars verð ég bara að vera duglegur og setjast niður og skrifa og jafnvel að setja inn myndir....

Jamms....þetta átti nú bara að vera svona til að láta ykkur vita að ég er hérna ennþá og verð hérna aftur mjög fljótlega.

Páskarnir og sumarið :-)

Skemmtilegt komment...

Já hún Erna er ekki að liggja á sínum skoðunum...þannig að ég ætla að verða við bón hennar og blogga smá.

Undanfarna daga hefur verið mikið labbað og mikið skoðað í verslanir hér í Odense. Í gær voru svo búðirnar í Flensburg í Þýskalandi skoðaðar og svo var verslað í páskamatinn.

Akkúrat núna þá eru stelpurnar að vaska upp eftir að ég eldaði dýrindis mat...Nýsjálenskt lambafilet með kryddhjúp og tilheyrandi...á morgun verður svo kjúklingasamloka og svo er ekki vitað hvað verður á laugardag en á páskadag (sunnudag) þá ætla ég að elda hamborgarahrygg með öllu tilheyrandi.........Mmmmmmmmmm

Annars er lítið að frétta af okkur...við erum bara í páskafríi og reynum að njóta lífsins....og það gengur nokkuð vel. Við höfum haft bíl undanfarið og erum við að notfæra okkur þau forréttindi og erum að reyna að keyra eins og vitleisingar út um allt.

Annars er ekki von á að ég bloggi mikið í bráð, þar sem að ég ætla að reyna að sinna gestum....

Allavegana, þangað til næst....